قيام شاب بصنعاء بابتزاز زوجته ونشر صورها على حساباته(صدمة)

قال الاعلامي راشد معروف:معنا واحد من صنعاء نزل تعز مع أمه بداية الحرب وهناك أمه الله يرحمها تعرفت على اسرة محترمة وخطبت بنت لابنها، وبعد كذا الولد سافر مجهول وطول الغربة حول سبع سنوات، وأمه توفيت، وهو كان عقد، ولكنه لما طول في الغربة وحصل خلاف، والمهم قرروا يفسخون العقد في المحكمة، وهنا حصل خلاف حول الفلوس التي كان قد دفعها، هم يقولون كلها 3500 سعودي وهو يقول خسرت أكثر حول 10 الف تكاليف العقد ومدري ايش.
واضاف:المهم، بدلا من يروح يقدم شكوى ويشارع عبر المحكمة، قام فتح له حساب وردي ونشر صور عقيدته، وعمل طلبات صداقة لبعض أهلها، والأقارب وكمان سمع انه واحد تقدم لها قام عمل له طلب صداقة ويله الخطيب الجديد شاف الصور وحصل خلاف وتعقد الوضع وانسحب من الخطبة، وبعد الإنسحاب استمر في تحدي ومهاترات مع عقيدها الأول وشكله يتعمد يستفزه عشان يسرب باقي الصور والمهم تواصلت معنا البنت وشرحت الموضوع ورحت اشيك على الحساب وقلت بدل ما نشولح به ونشرشح، خلينا احاول فيه ونصلح بينهم دام الحساب عليه عدد محدود من الأصدقاء لازال الوضع قابل للسيطرة ماقد انتشرت الصور للجميع.
واختتم:تواصلت معه ضغطت عليه يحذف وبعد الحذف با نتفاوض وراح حذف ورجع ويله تفاوضنا معه وحاولنا تقريب وجهات النظر بينهم حتى وافقوا معي على ان تدفع البنت اربعة الف ريال سعودي له بشرط ان يقدم ضمانة او يرسل احد من اهله الى تعز يوقع ضمانة عليه بأنه يحذف الصور من جواله ويتحمل المسؤولية الكاملة اذا تسربت ولكن الولد رفض وقال تعز بعيد والمشوار يكلف نصف المبلغ، قلت في حل اخر وأسهل صور لي فيديو لك تتعهد فيه بالالتزام بالاتفاق وحذف الصور وتتحمل المسؤولية الكاملة اذا تسربت، وهذا يكفي،  وانا شاهد بينكم، وهنا وافق معي والبنت وأهلها وافقوا، وقال بكرة ارسل لك الفيديو، وقلت للبنت دبري الفلوس بكرة هو يرسل الفيديو  لعندي وانتي تحولي الفلوس، لعندي والبنت بكرت تبيع ذهبها وكل ما يملكون وجهزت الفلوس والولد بكر مدعمم اراسله  ما يرد، والان هذا تحذير وإنذار اخير له بأن يحترم نفسه ويلتزم بالإتفاق، ولا يجلس يبتز البنت ويهددها بصورها ومسبب لها قلق وخوف واكتئاب هذا مش رجالة والجريمة التي ارتكبتها شنيعة وعقوباتها قاسية، ولا تفكر نفسك انك مجهول في السعودية ماحد يقدر يجيبك اقسم بالله العظيم أستطيع اجيبك من تحت الأرض. واذا اضطريت اجيبك وقتها ماراح تنفعك حتى مليون ريال لايمكن نتنازل والفلوس ماراح يدفعون هللة واحدة والصور با تحذفها وانت داخل الضغاطة هذا كلامي وقد اعذر من أنذر.