مذيع يمني يفتح النار على الحوثي ويكشف حقيقة عدم مقدرته صرف الرواتب ( ارقام صادمة )

شن المذيع اليمني والاعلامي بشير الحارثي هجوم لاذع ساخرا من تعذر الحوثيين بعدم مقدرتهم صرف الرواتب ناقلا منشور فصل فيه عدة امور اقتصادية.

وقال: ‏أخيراً حصلت لكم مصدر مضمون لدفع الرواتب .. مضمون 100%.. أقرأوا الحل وشوفوا هو حل وإلا مش حل يا بتوع الاقتصاد والدراسات: رئيس وكالة سبأ في صنعاء قال ما فيش معهم ايرادات بسبب أنه خلال سبع سنوات كانوا يشتروا في اليوم 150 طقم عسكري بدل اللي يقصفهم العد.و.ان
قال ان قيمة كل طقم 120 ألف ريال سعودي
 

وأضاف: تعالوا نحسبها سواء 7 سنوات × 365 يوم = 2555 يوم نضرب عدد أيام السبع السنوات × 150 طقم عشان نحصل على إجمالي عدد الاطقم اللي تم شراءها بحسب كلامه
2555 × 150 = 382250 طقم بعدما طلعنا إجمالي الأطقم .. اللي هي ما يقارب أربعمائة ألف طقم عشان بس تعرفوا الكذب (عدد الاطقم اكثر من عدد المقاتلين تبع صنعاء وعدن ومارب والساحل ومقاولة حمود والكل )  .. تعالوا نحسب سعرها .. نضرب عدد الاطقم × 120000 (زيما قال ان الطقم الواحد ب 120 ألف سعودي) 383250 × 120000 = 45,990,000,000 ريال سعودي 45 مليار و 990 مليون ريال سعودي !!

ومضى: يعني بالدولار بيساوي بحدود 12 مليار و 264 مليون.. الهدنة لها سنة ونص .. يعني 548 يوم.. تعالوا نحسب كم تكاليف الاطقم اللي تم توفيرها عشان نشوف هل تكفي لصرف المرتبات ؟ 548 يوم × 150 طقم = 82200 طقم نضرب عدد الاطقم × 120 ألف سعودي 82200 × 120000 = 9,864,000,000 ريال سعودي يعني عشرة مليار سعودي.. بالضبط تسعة مليار وثمانمائة واربعة وستين مليون ريال سعودي وتساوي بالدولار:  2,630,400,000 (اثنين مليار وستمائة وثلاثين مليون دولار

وختم : وهذا المبلغ بصرف صنعاء .. بيكفي راتب ثلاث سنوات للموظفين في مناطق حكومة صنعاء اذا اعتبرناهم ثلثين الموظفين في الجمهورية اليمنية .. على اساس ان ثلث الموظفين يقعوا في المناطق الأخرى مثل مارب وعدن وتعز وبقية المحافظات المعروفة بمناطق سيطرة الشرعية. حل والا مش حل يا بتوع الخطة (ب) والمخطط الامريكي هيا وين حق الاطقم  .. ادفعوا رواتب الموظفين من بدل شراء الأطقم ..عاد قال كانوا يصرفوا حق غداء وقات 150 ألف واحد في اليوم بالجبهات وكل واحد عشرة ألف .. هذي لو احسبها لكم بتطلع بالضبط: سبعة مليار ومائتين وثلاثين مليون دولار..  ادفعوا الرواتب بدل حق الاطقم والا بدل حق الغداء والقات .. اين رواتب الموظفين جالسين تعملوا بها عزومات في صنعاء .. العشرة الانفار يتغدوا بمليون بحسب الفواتير اللي ظهرت وما خفي كان أعظم.. عمائر واراضي ومخازن فلوس في البدرومات .