يوتيوبر مصري شهير يكتب كلمات مؤثرة عن اليمن عقب مغادرته لها

كتب يوتيوبر مصري عن زيارته الى اليمن عقب ساعات من مغادرته البلاد التي زار فيها اكثر من محافظة.
وكتب اليوتيوبر جمعة عبد العزيز مقالا جاء فيه:
#كرم_اليمنين  
الناس في اليمن طيبه جدآ لدرجة انك هتستغرب من اختلاف ثقافة الشعوب ف العالم كله وثقافة الشعب اليمني غير هنا ونت ماشي فالشارع الكل بيعزم عليك بجد من قلبه سواق التاكسي لما يعرف انك مصري مش بياخد منك فلوس دا كمان ممكن يعزمك ع الغدا ويحكيلك عن الاساتذه المصريين الي كانو ف اليمن زمان 
الناس هنا من كتر ماهي بتعزمك هتلاقي نفسك بتتعزم ع الفطار حتي 
كرم اليمنين بيبدأ من اصدقائي الي مش موجودين ف اليمن اساسا 
مثلا صديقي عبدالله هوه الي صمم والح عليا اني اروح اليمن وقالي انها هتعجبني اكتر من كل الدول الي رحتها وهنبسط هناك جدآ وقال انا هدفع كل حاجه فاليمن تحتاجها المهم روح شوف اليمن كيف وفعلا والله عمل معايا المستحيل من كل شئ 
اما صديقي الغالي هشام نصر الربيه صمم انه يجي معايا اليمن ويوصلني انتو متخيلي واحد يسافر معاك من دوله لدوله لدوله عشان يوصلك بس  وفعلا وصلني لحد عدن مسابنيش دقيقه وحده 

العزيز علي قلبي محمد احمد  الي جه من صنعاء لحد عدن سفر اكتر من ١٤ ساعه عشان يستقبلني وياخدني لصنعاء كمان وانا هدفي الاساسي من الزياره اني اشوفه بس
لما تيجي اليمن هتكتشف انك مشفتش ناس كريمه قبل كدا زي كرم اليمنين ابدا  وهتعرف انهم فعلا ارق قلوبآ 
الدوله الوحيده الي هتحس فيها كامصري انك مميز والكل بيحترمك الكلام دا بنسبه للشعب طبعا 
احلي تحيه واحترام وتقدير للشعب اليمني كله  عمري ما هنسي فعلا الايام دي وهي الافضل ف حياتي عمري ماحبيت دوله كدا واتمنيت اني ممشيش منها خالص 
ان شاء الله هرجع اليمن تاني في اقل من ٦ شهور لان اليمن فعلآ  تستاهل انك تزورها كل شهر مش هتزهق يكفيني اشوف الشعب الجميل دا 
وان شاء الله يعود اليمن سعيد مثل ما كان