ناشط يتحدث عن موقف حصل له في بنك الكريمي ويؤكد هذا الامر

تحدث الناشط المعروف احمد الرقب عن موقف حصل له في عدن.

وقال: كنت اتضايق جدا والله لم حد يرسل لي حوالة كريمي سواء كانت لي او حتى لعمل إنساني وهذا بسبب الزحمة والطوابير اللي تكون هناك

واضاف: اغلب موظفينه من تعز ما اعرفهم ومافيش عندهم مجاملات ولا معرفة يخارجونا وارجع احنا بطابور ماعاد استلم الحوالة الا وقدنا شتمت وعرعرت وصايحت اكثر من مرة

وتابع: لما يوم اجيت فرع الكريمي اللي عندنا بخورمكسر وشفته زحمة لفت لليمين شفت موظف حبوب وفاضي وفي واحد خلفه أيضا طلع المدير وقلت لهم ياجماعة أسألكم بالله انا جاي استلم عشرة الف ريال ولي يومين اهم الحوالة ذي وكلما اجي وهو طابور ياجماعة ايش ذا قالوا لي تعال بس فضي نفسك خمس دقايق

واشار: حملوا لي تطبيق الكريمي بالجوال وفعلوه لي وقالوا لي نحن عملنا كل الحلول عشان الشعب مايطوبر دقيقه وحده بس انتو شعب تحبوا الطوابير 

وتابع القول: قلت له طيب حملنا البرنامج ونعرف نودع بحساب اخر ونحول ٦ لى حساب آخر من البرنامج وتعبي رصيد وهذا كله معروف لكن المشكلة لما تجي لي حوالة لازم اجي استلمها بنفسي واطوبر  

واكد: قالوا لي ولا اي طابور وعلموني كيف اخلي الحوالة اللي تجي بأسمي تتحول إلى حسابي وبدون أي تعب ومن هنا ارتحت نفسيا وتحول الكريمي عندي إلى افضل خدمه بنوك ومافيش شي يخلينا اروح للكريم إلى سحب الفلوس من المكينة الخارجية وفي دقايق بسيطة وانصرف

واختتم: وكذا اقول لكم والله العلم نور والتطبيقات ذي مخارجة وانا مسكين الله اخر من يعلم وقلت بابلغ أصحاب الطوابير اللي مثلي عشان مايتعبوا ويحملوا التطبيق