مسلح يشحن الكلاشنكوف صوب راس فتاة وكاد ان يقتلها عقب رفضها ان تصعد معه السيارة بصنعاء

هدد مسلح فتاة بصنعاء بالقتل بحالة لم تطلع معه السيارة بصنعاء. 
وقالت المواطنة خلود عسلان:اليوم واني امشي قريب من البيت وواحد بسياره بيمشي خلفي قال هيا اطلعي هيا اطلعي وانا مطنشه وامشي بطريقي طبيعي ولاتوقعت انه اي شي يحصل فجأه عمر الألي لافوق راسي وقال لي قسما بالله لو ماتطلعي لا ارمي. 
واضافت:انا في ثانيه شفت الدنيا سوداء وانسحبت خطوتين للوراء بهدوء وبعدا كنت اجري مثل المجنونه لابيت الجيران دقيت الباب باقوى قوتي ينقذوني كنت اشوف الموت بعيوني
ولو مافتحوش لي مش انا داريه ماكان عيوقع بي لانه لاحق لي حتى لاباب بيت الجيران. 
واختتمت:ولو اقول ان انا خارجه وانا ممكيجه ذاهبه عرس ولا شكلي غلط ولا اي حاجة تلفت قسما بالله ان حالتي حاله ملثمه بالبوتي بالجونتي في يدي مصروف للبيت انا اليوم حسيت ان بيني وبين الموت شعره وجسمي كله بيوجعني من الفجعة.