الكبدة المجمدة( الخارجي) سموم ونجاسة

الكبدة المجمدة( الخارجي) سموم ونجاسة: اعداد د.عبدالله اسحاق استشاري أمراض الباطنة* مركز المدينة الطبي- المنصورة -عدن لم اكن بصدد الكتابة عن هذا الموضوع إلا أن مقطع فيديو لأحد ناشطي السوشيال ميديا ، قد دفعني البحت والتحري وإعداد هذا التقرير. الكبد المجمدة المستوردة (من برع) وجبة شهية وتغص بها طاولات المطاعم ومواقع الوجبات السريعة هنا في اليمن..وخطورة الأمر تكمن في ماتحوية هذه الكبد من سموم (هرمونات ومواد كيميائية) وبكتيريا بالاضافه الى الدم المحتقن فيها نتيجة لطريقة الذبح (القتل)للحيوان الذي أخذت كبده (وهي ليست ذبحا حسب الشريعه الاسلاميه بل صعقا بالكهرباء). في البدايه لكي نفهم الموضوع وخطورتة لازم نفهم أننا عندنا نوعين من الدول :(هنا ساقتبس الكلام من مقال في مجلة مصريه): 1- دول ممنوع فيها حقن الحيوانات (التي تأكل لحومها) باللهرمونات ودي طبعا دول الاتحاد الاوروبي زي فرنسا مثلا .. والغريب ان الدول ذي ممنوع فيها استيراد اللحوم او الكبدة المجمدة .. وسنعرف لماذا بعد قليل.. واكيد دولنا العربية وبالذات اليمن لن تستورد لحوم من الدول ذي”هذا اذا كانت الدول ذي بتصدرها اصلا” لان سعرها سيكون مرتفع جدا .. 2- دول مصدرة للحوم زي ” امريكا والبرازيل واستراليا وكوريا الجنوبية واليابان والهند ونيوزيلندا ” .. وعشان يكسبوا كويس يبقي لازم يعملوا عملية تسمين للمواشي ويخلوها تربي لحم .. وعشان ده يحصل في وقت قصير يبقي لازم يدوها هرمونات .. وبعد ما تتسمن كويس جزء منها بيتصدر حي والجزء التاني ” بيتقتل ” عن طريق الصعق الكهربائي وبعدين بتتجمد وبيتم تصديرها .. طب ليه قتل وصعق و مش بتتذبح .. وايه فايدة الذبح اساسا ..؟؟ قالك احنا عندنا نوعين من الدم .. الدم المؤكسد وده محمل بالاكسجين والمغذيات والدم غير المؤكسد وده محمل بثاني اكسيد الكربون والنفايات يعني دم فاسد بالبلدي كده .. لما بيتم الذبح بتحدث للحيوان انقباضات عضلية وتشنجات .. الانقباضات دي بتضغط علي الشعيرات الدموية بجسم الحيوان .. فبيتم خروج الدم من الجرح الذبحي وبيتم تصفية الحيوان من الدم بما فيه الدم الغير المؤكسد” الفاسد ” .. وعشان كده الصح ان الحيوان يتعلق من رجليه بعد الذبح عشان الدم كله يخرج من رقبته وبدون فصل الرأس عن الجسم تماما…. طب انا لو قدرت احبس اغلب الدم ده وميخرجش من الحيوان وزنه حيفضل تقيل .. يعني وزنه يكون اكتر .. يعني مكسب اكتر .. وتعرف هذه العملية بحبس الدم او الاحتقان بالدماء .. وعشان كده بيتم القتل بالصعق .. يعني طريقة الذبح الحلال علي الشريعة الاسلامية علمية وصحية مش مجرد روتين ديني والسلام . نيجي للكبدة .. 1- طبقا لمبدأ العرض والطلب الكبدة المفروض تكون اغلي من اللحمة .. لان كميتها قليلة جدا بالنسبة للحمة كنسبة وتناسب يعني .. ولأن الكبدة بيعتبروها “عالميا” غير صالحة للاستهلاك الادمي .. بمعني انها عند الشعوب الاخري الغير اسلامية اللي بتدبح الحيوانات عندها بطرق غير طريقة الشريعة الاسلامية “الكلام واضح ومحدد” عندهم الكبدة غير صالحة للاستهلاك الادمي .. طب ليه ..؟؟ لانهم بيعتبروها مركز لتكسير السموم في الجسم + محتبس بها الدم الغير مؤكسد فيها بسبب طريقة الذبح الغير اسلامية .. يعني المفروض انها حرفيا بتتعامل عندهم معاملة النفايات وبيتم التخلص منها .. لهذا السبب روسيا منعت استيراد الكبدة منذ عام 2013 . 2- حتي الدول اللي بتستورد لحمة مش بتستورد الكبدة معاها لانها بالنسبة لهم نفايات زي ما وضحنا + انها بتكون محملة بالدم الفاسد الغير مؤكسد .. وده اللي بيفسر استمرار نزول الدم منها مهما تم غسلها عدة مرات .. وساعتها بتكون “في الغالب” دي علامة من علامات عدم الذبح طبقا للشريعة الاسلامية . 3- اذن كبدة مستوردة = دم فاسد + مواد هرمونية ، كبدة بلدي = مواد هرمونية ” .. الا لو تم التأكد من مصدرها وعدم حقن الحيوان بالهرمونات” تربيه بيتي مثلا . 4- اللحوم اللي بتستوردها ” الصين واريتريا وكينيا ” لا يتم استيراد الكبدة معها لان الدول دي بتكون عاوزة لحوم غير حلال .. وبالتالي مش عاوزين الكبدة السامة معاها .. او ممكن يستوردوا الحيوانات حية ويقتلوها وبرضو مبياكلوش الكبدة بتاعتها . 5- ولان الكبدة دي بتبقي نفايات وعبء علي الدول دي وبتحتاج مصاريف ف بتيجي لينا احنا نشتريها بلاش تاكلوا كبدة الا لو خارجة من الحيوان قدام عنيكم ومكشوف عليها من طبيب بيطري داخل المجزر يعني طازة وايضا اذا كنتم متأكدين من مصدرها غير كده لأ .. لان ممكن تكون طازة بس الحيوان واخد هرمونات واللي بتتراكم في الكبد ساعتها بلاش تاكلوها..)