ابن الوز عوام

بعد الانتهاء من المرحلة الجامعية ، تمزقت أقدامنا ذهابا وأيابا لتجديد القيد في مكتب الخدمة المدنية عدن أيام ماكانت مديرته ( سميرة عقربي )  وكنت أشوف معظم الناس هناك وأهون على نفسي واقول ياوليد قدك من جيز الشعب ، فاصبر .

بس مش كل الشعب كدا ، كانت سميرة عقربي تبيع الوظائف للي عنده فلوس وفي 2011 تلاعبت بالكشوفات ونزلت ناس وطلعت ناس وكانت تتصل ببعضهم وتقول لهم بالحرف ( اسمك بين الكشوفات ، يلا سيب الساحة ولا عاد أشوفك تنزل للاحتجاجات ولا باسقط اسمك )  أقسم بالله أن احد هذه الاتصالات جرت أمامي.

في الوقت اللي كنا نعافر ونبدأ من الصفر كانت سميرة عقربي ( مديرة مكتب الخدمة المدنية والعمل عدن ) مجهزه لأبنائها وظائف من بعد الثانوية ومعطفينها بالكبت وظهر لنا وسام معاوية الابن الأكبر لها في عدة وظائف واليوم يقبع على منصب مأمور الشيخ عثمان ويجثم على صدور أهلها بفساده ، مش غريبة عليه فابن الوز عوام

ضاعف رسوم مزاولة المهنة للمحلات الصغيرة الى ثمانية أضعاف خلال فترة توليه مديرة الشيخ عثمان فكانت ( 6500 ) ووصلت الى ( 51,000 )  

دا بس للمحلات الصغيرة جدا وتصل قيمة الرسوم في بعض المطاعم والمحلات الكبيرة إلى 400 ألف و 700 ألف .

لك أن تتخلي عزيزي حجم الشيخ عثمان وكمية المحلات اللي فيها والمطاعم ! ولك أن تتخيل حجم الحساب البنكي لمدير المديرية .

باع مبنى حكومي عيني عينك ، ودا اللي ظهر حتى الان وماخفي أعظم مليون مرة ، دا وسام معاوية ودا شغله.

حامد لملس وسميرة عقربي كانوا مع نظام صالح قبل 2011 ، عشان كدا وسام معاوية مسنود جامد جدا .