ملائكة للرحمة .. شيـاطين للعذاب !
ربما هذا هو الوصف الأقرب لرحلة النجم العالمي سامي جعيم ، لاعب منتخبنا الوطني سابقا ونادي أهلي صنعاء...
ليش إلا صنعاء؟
*ليش التركيز على العاصمة صنعاء فقط، والجميع يسعى لإثبات نظرية وجود فيروس كورونا هناك؟
*كبار المغردين، والمفسبكين، والسياسيين، والفرغ، واللي ما معاهم عمل مركزين على صنعاء!
*حتى هنادي الرديني قال يااااي انتبهوا يا اهل صنعاء من كورونا يفاخش بين الـ........ ! (عيب)!!
*طيب فهمونا .. ليش إلا صنعاء.. يعني مثلا كورونا ده حقكم "دحباشي" ولابس ثوب وجنبية، وموطنه الأصلي باب اليمن!! ويتكاثر بالزوامل!
*طيب ليش مش ممكن يكون الفيروس منتشر في مناطق الشرعية؟ واحد شيبه قال لي : ركزوا يا ابني على "متارم" نبيل شمسان محافظ تعز و "كرشته".. الرجال رجله خفيف من عرس لعرس وممكن يكون مصدر رئيسي للعدوى.. ليش إلا مركزين على صنعاء!
*تشتو تفهموني ان كورونا ده "سوبر مان" قفز على النقاط كلها ووصل يسلم على محمد علي الحوثي راس وركبه ويدي الصرخة من وسط ميدان السبعين! أو ممكن ينزل صورته مع البخيتي في السائلة!
*اذا صدقت احتمالية وجود حالة في صنعاء، فلازم الجميع يعرف ان المرور كان عبر مناطق الشرعية .. هي المعنية بكافة التدابير الوقائية (تشخيص وفحص، وحجر على المنافذ) ولا تحملوها سي حسين بدافع سياسي!
*بصورة أدق : اذا ثبت وجود حالات في "صنعاء" فاحتمالية العدوى أشد في مناطق العبور الأولى (المنافذ الجوية والبرية).
*للتذكير وزير صحة حكومة معين مخبازة -قبل أسبوع- أعلن عدم وجود أي حالة في اليمن خلال العام 2019 ومن يومها الرجال مختفي يقولو مرته حلفت عليه حرام طلاق ما عاد يطلع يصرح ثاني مرة ويخنبق هذيك الخنباقة!
*طيب ليش إلا صنعاء! الموضوع في اعتقادي مكايدة سياسية لا أكثر.. والمتضرر المواطن.. واذا انا غلطان.. تعرفوا تجاوبوا انتم على السؤال؟ اتحفونا!
بشير سنان
